Event : Zain Gergi3an قرقيعان شركة زين

 

شركة زين من عوايدها الحلوة انها تحتفل بالمناسبات مختلفة.. وهالمرة وجهوا لي دعوة لحضور قرقيعان زين  للأطفال و كان مقام في فندق الريجنسي بقاعة مها

 

عريفة الحفل المذيعة سالي القاضي

 

كان الحفل يحتوي على فقرات ومسابقات  للأطفال و للكبار وفي فقرات مشتركة بين الكبار والصغار وأيضا فقرات رقص شعبي لفرقة أطفال

 

 

حضور الحفل

 

 

ويفترون علينا بالقرقيعان على الطاولات

 

 

كان في شي مميز بالحفل وهو هلال رمضان المميز اللي كان بنفس الوقت  شعار دعاية فكرة الخاصة بشركة زين و المعلن عنها على القنوات في رمضان

 

 

وطاولات الحضور متميزة بأن عليها دلة و زبيل قرقيعان و مهفة ومرش ماي

 

 

ومن الحضور المميز بالحفل الفنان بشار الشطي

 

 

والفنانة مرام ما قصرت يابت معاها قرقيعان بناتها جنان و جمانة و قرقعت علينا

 

 

 

 

وحضر جزء من الحفل  الشيخ دعيج الخليفة الصباح

 

 

ومن مضمن الأنشطة اللي كانوا حاطينها زين للأطفال ستيشنات مميزة منها نقش حنة و رسم تاتو و تعجف شعر للبنات و البالونات والأشغال اليدوية بالخرز وشعر البنات

 

 

 

 

 ستيشن شعر البنات

 

 ستيشن تاتو الحنة

 

 

وكذلك كانوا حاطين استديوهين تصوير للأطفال بملابسهم مالت القرقيعان

 

 

والبوفيه الغني بالحلويات ما لذ و طاب الصراحة وايد حلو و يشوق

 

 وهذه كانت حصيلة قرقيعان اليهال

 

 

مشكوين يا شركة زين وموظفي السوشيال ميديا اللي ما يطلع منكم الا كل زين ..استانسنا معاكم عسى ربي يونسكم بالصحة و العافية و عساكم من عواده يارب هالسنة وكل سنة ان شاء الله :)

Leave a Reply