Event: Celebrating Chocolate Day By @ZainKuwait in ChocolateBar

 

شركة زين ماقصرت على الدعوة اللي دعتني اياها للإحتفال بيوم الشوكليت العالمي .. وكان المكان المختار شوكليت بار البدع

والمحتفى فيهم أكثر ناس يستمتعون بالشوكليت منو؟؟ طبعاً أكيد البنات :) وكان الحضور مجموعة من البلوقريتس

الدور الأول كان محجوز لنا كبنات نسولف و نضحك و نتغشمر و نتعرف على بعض البنات اللي ما سبق إنا تعرفنا عليهم من قبل وناخذ ونعطي معاهم.. كانت السوالف شي حلو..ومع الكاكاو.. يمييي يممم ما تنمل أكيد :)

طلبنا هوت شوكليت مع السينامون ولاتيه ..والشوكليت مع السينامون كان حلو حيل ويدفي

أدري الجو حار و مو مال أشياء حارة بس البلاعيم وما أدراك ما البلاعيم.. لازم شي يدفيهم :/

طلبت باستنا الفريدو و رفيجتي بنك باستا

وطبعا بطاط شوكليت بار الغني عن التعريف

وعصير ليمون بالنعناع مع الكولا ..قمة الانتعاش للصيف

وبعد قلبي النوري ضيفتنا بأحلى قهوة عربية مع الكاكاو خطيرة جداً ..أكرمج الله يالنوري

وطبعاً سير علينا

بوضروووووس

وصار وقت الشوكليت.. من وجهة نظري أحلى شي بالعالم الشوكليت.. يعطي شعور مو طبيعي ما ينوصف..ممكن أقول عنه مخدر بس من نوع آخر

والقنبلة كانت

كل الشكر لشركة زين وقسم السوشيال ميديا وخصوصا هلا وبيبي على الدعوة الكريمة  وهابي شوكليت داي كلياتكوون :)

Leave a Reply