Early Birthday Surprise :D

 

 

أمس رجعت من الدوام وألقى هالبوكس الجميل الكبير من شركة DHL

 

 

قريت البيانات وتفاجأت إنه بإسمي مع إني مو طالبة شي ! فحدي استانست بالموضوع أخذته و كان احساسي مثل الياهل لما يعطونه هدية مغلفة وما يدري شنو إهيا متشوقة إني افتح البوكس قبل كل شي..صراحة شعور التفجج وايد حلو وأعتقد الكل يوافقني

 

طبعا تمقلت باللي دازين لي الطرد وشفته إنه من رفيجتي نجوولة الجميلة من قطر بعد عمري ما قصرت دازة لي هدية عيدميلادي مبجر وكانت أول هدية عيدميلاد توصلني قبل أي أحد..حبيبتي دايماً سباقة بهالأمور

قعدت افجج وافجج حدي مستانسة وهذا كان اللي بداخل البوكس

 

 

 البوكس كان فيه كرت معايدة بعيد ميلادي و دبدوب صغيرووون كيووت و كوب مع طقم فوط مطرز عليه حرفي M

 

مشكورة يالغالية وعساني ما انحرم منج وربي يديم المحبة بينا اللهم آمين

 Thank you so much.. Love U :*

 

 

Leave a Reply