Its My Birthday.. yeppeeyyy :D

 

 

اليوم يصادف ذكرى ميلادي وبالنسبة لي أحب المفاجئات بهاليوم بالذات.. من هدايا ومن كيك وأشياء الواحد ما يحسب حسابها

طبعاً خلال سنين دراستي كل ما يصادف يوم ميلادي يصادف إنه يكون حزة إمتحانات الفاينل وما عمري أحتفلت فيه بنفس التاريخ! أما إني أجدمه أو إني أأخره عشان محد يتعذر بأنه امتاحانات وما يقدرون إيوون 

 

الحين بعد ما خلصت الجامعة و إشتغلت صرت أحتفل بعيد ميلادي بنفس يومه من تصير الساعة 12 بالليل والمسجات والمكالمات و التهنئات ما توقف ما شاء الله

العام إحتفلت فيه بمطعم

 B+F Open Flame Kitchen

وكان احتفال أكثر من رائع بحضور الأهل والصديقات

 

 

هالسنة ما خططت حق أي شي أحس ما عندي وقت أفكر من وين ابتدي و من وين اييب و أسوي

ما في بالي فكرة معينة.. ما ادري اذا سويت شي بسرعة بسرعة أحس إني ما خططت له وانا أحب الشي يكون مدروس و على سنع *^_^*

 

 وقبل فترة تفاجأت بوصول طرد لي وانا مو طالبة شي

 

 

وكان عبارة عن هدية يوم ميلادي مبجرة حبتين :)

حيل استانست إنها كانت من صديقتي القطرية ربي يحفظها حبيبة قلبي سنعة هالبنت و دوم سباقة بهالأمور

 وكانت مطرشة لي بوكس كبير وهذه كانت هداياها

 

كلها سنع وذوق على صاحبتها :)

 

أمس بيوم ميلادي أهلي فاجئوني بحفلة بسيطة مصغرة على مستوى العايلة وكانت كيكتي عبارة عن كمبيوتر وخليفتها كانت الصفحة الرئيسية للبلوق..

حيل حبيت الحركة وايد استانست فيها وباليمعة الحلوة ما شاء الله ربي يحفظ لي أهلي ويخليهم لي ان شاء الله ولا يحرمني منهم يارب

 

 

 

نمونة من البوفيه المصغر اللي ما يخلى من بيتزا قيصر الشهيرة

وما انتهى الإحتفال بعده بأوله.. فاجئوني بهدية وايد حلوة

 

وكانت عبارة عن تلفون جالكسي اس 3

 

 

 

وايد استانست أمس بهالمفاجأة الحلوة باليوم المغبر.. كان شي وايد حلو بالنسبة لي وما توقعت أحد يفاجئني جذي

 

 

ربي يحفظ لي أهلي و لا يحرمني منهم اللهم آمين..

وحبيت أشكر صديقاتي بقطر على الهدية الحلوة..

وأشكر كل من هناني بيوم ميلادي سواء صديقاتي بالتلفون أو مسجات واتس أب.. وأشكر زميلاتي بالدوام و أصدقاء الإنستغرام وتويتر وايد فرحتوني وعساني أردها لكم دوم بالفرح ان شاء الله

Leave a Reply