Jars Home Accessories & More

 

 

 

أمس كنت في زيارة لمحل جارز في منطقة سفن زونز التجارية بمنطقة الشويخ.. المحل متخصص الاكسسوارات المنزلية مثل الفازات و اللوحات وصواني التقديم و ديكورات البيت الداخلية وتنسيق الزهور الصناعية.. و عندهم ما شاء الله تشكيلة كبيرة تنفع حق عيد الأم حق اللي محتارين و يدورون هدايا :)

 

 

 

 

 

 

 

 

هذا كولكشن ديكورات حق الشموع الصغيرة

 

 

 

 

كولكشن فازات بجميع الأحجام ..فازات أحجامها تكون كبيرة لمداخل البيت أو القاعات والأحجام الصغيرة تكون سنتربيس على الطاولات

 

 

 

 

 

 

 

تنسيق الزهور في فازات تختارونها من الكولكشن اللي عندهم و بالألوان اللي تطلبونها

 

 

 

 

 اللوحات الفنية روعة شوية عليها…وعندهم امكانية يرسمون لكم اللوحات اللي تبونها بالأحجام اللي تبونها وتاخذ لها تقريباً عشر أيام الى اسبوعين لتحضيرها..وأيضا رسامينهم ممكن يطلعون للبيوت يرسمون على الطوف

 

 

 

 

 

 

 وهني قدرت أصور الرسام واهوا يرسم لوحة بعده ما خلص منها

 

 

وهذا شكل اللوحة بعد ما انتهت..

 

 

صواني تقديم للحفلات والمناسبات.. الصينية ممكن تكون للحلويات و ممكن تكون لقلاصات العصير..

طريقة مبتكرة و تصير اثنين في واحد وعندهم جاهز وممكن تتفصل بالكمية واللون والنوعية اللي تطلبونها.. على حجم قلاصاتكم او ممكن تاخذون القلاصات منهم..الأوردر ياخذ له شهر تقريبا

 

 ممكن تنشال القاعدة مالت القلاصات ..وتصير صينية حلويات او موالح للتقديم

 

 

 

 

 حبيتهم… خصوصا للمكسرات والحلويات الصغيرة على الطاولات تنفع للبيت او الشاليه او المزرعة..أو ممكن للقرقيعان بعد :)

 

 

 

 

 كرت المحل فيه رقمهم و عنوانهم.. حق اللي ما يدل وين سفن زونز..

 

 

Leave a Reply